Ош шаарында ири маркеттерден уурулук жасап, издөөдө жүргөн жаран кармалды

  Ош шаардык ички иштер башкармалыгынын Ак-Буура милиция бөлүмүнүн участкалык уполномоченныйлары (аймактык тескөөчүлөрү) тарабынан ири маркеттерден уурулук жасап жүргөндүгү үчүн издөөдө жүргөн. 1994-жылы туулган, Ош шаарында убактылуу жашап турган Э. К. кармалды.  Бул тууралуу Ош шаардык ички иштер башкармалыгынын маалымат кызматы билдирет.

   Тергөө иштеринин жүрүшү боюнча алгачкы маалыматтарга ылайык, ал Ош шаарындагы ири маркеттерге кирип уурулук жасоого кынык алган. Бир нече ай аралыгында эле 11 ирет уурулук жасаган. Тагыраак айтканда шектүү аталган соода түйүндөрүнөн түрдүү буюмдарды (анын ичинде кымбат баалуу алкоголдук ичимдиктер дагы бар), уурдап, жеке кызыкчылыгына пайдаланган. 

  Учурда шектүү Ош шаардык ички иштер башкармалыгынын убактылуу кармоочу жайына киргизилди, уурулук ( КР кылмыш кодексинин 205-беренеси) иштери боюнча иликтөө уланууда.