Бүгүн, 9-мартта Ош шаардык ички иштер башкармалыгында милиционерлердин жубайларына «Офицердин жубайы» медалы тапшырылды. Бул тууралуу Ош шаардык ички иштер башкармалыгынын басма сөз кызматы билдирди.
Ош шаардык ички иштер башкармалыгынын начальнигинин орун басары милициянын полковниги Канатбек Айдакеев башкармалыктын кызматкерлеринин жана ички иштер органдарынын ардагерлеринин жубайларына «Офицердин жубайы» медалын тапшырды. 8-март майрамынын алдында милиция кызматкерлерине, ардагерлерге өйдөдө өбөк, ылдыйда жөлөк болушкан, ар дайым милиционер жубайларына колдоо көрсөтүшүп келе жатышкан милиционерлердин жубайлары Эльгиза Арзыбекова, Алтынай Идикрамова, Бүбүсайра Орозалиева, Жамила Капарова, Чолпон Токтоева, Гүльнара Жээнбекова сыйланышты.
Бул сыйлык Ички иштер министрлигинин ардагерлер кеӊеши тарабынан негизделип, кызматтагы жана ички иштер органдарынын ардагерлеринин жубайлары сыйланышат.
Пикирлер (0)
Пикир жок. Сиз биринчилерден болушуңуз мүмкүн