Ош шаардык бийлигинин тапшырмасы менен вагондо күн кечирип жаткан эне балага ун, азык-түлүктөр жеткирилди, деп маалымдады Ош мэриясынын басма сөз кызматы.
Маалыматка ылайык, мэр Таалайбек Сарыбашов вагондо жашап жаткандарга азык-түлүк, кийим-кечеден такай жардам көрсөтүлүүсүн өз көзөмөлүнө алган. Аларга кайрымдуу жарандар да азык-түлүктөн жардам көрсөтүп турушат. Шаар мэри азыркы абалда шаардагы аз камсыз болгон үй-бүлөлөргө, муктаждарга, кароосуз калган жарандарга азык-түлүктөн жардам көрсөтүү тапшырмасын берген.
Кечээ, 2-апрелде вице-мэр Жасур Азимов демөөрчүлөр менен бирге 10дон ашуун муктаж үй-бүлөгө азык-түлүк жеткирген. Ал эми “Южный” кичи районундагы муктаж үй-бүлөлөргө 84 кап ун таратылган.
Мындан тышкары жеке ишкерлер шаардагы муниципалык аймактык башкармалыктар менен биргеликте азык-түлүктөн көмөк көрсөтүү иштерин улантууда.
Пикирлер (0)
Пикир жок. Сиз биринчилерден болушуңуз мүмкүн