Кулжа 29, 2024
Убакыт: 06:34
USD
86.20
87.10
EUR
92.10
93.10
RUB
0.960
1.040

Ош шаарындагы 10 калктуу конуш таза суу менен камсыздалат (фото)

10.06.2020 16:18
1252
Ош шаарындагы 10 калктуу конуш таза суу менен камсыздалат (фото)


Ош шаарынын Жапалак айыл аймагындагы 10 калктуу конушту таза суу менен камсыз кылуу долбоору ишке киргизилүүдө. Президент Сооронбай Жээнбеков бүгүн, 10-июнда аталган долбоордун ишке ашырылышы менен таанышты.

Президенттин басма сөз кызматы билдиргендей, Суу ресурстары мамлекеттик агенттигинин директору Көкүмбек Таштаналиев аталган долбоорду ишке ашыруу менен он калктуу конуш же Жапалак айыл аймагынын 20 миңден ашуун тургуну таза суу менен толук камсыз болорун маалымадады.

Курулуштун долбоору республикалык бюджеттен каржыланган. Биринчи этап боюнча курулуш иштери 2019-жылдын июнь айында башталган жана 2020-жылдын июнь айынын соңуна чейин толугу менен бүткөрүлөт.

Сооронбай Жээнбеков калкты таза суу менен камсыз кылуу боюнча долбоорлор өлкө аймактарын өнүктүрүүнүн мамлекеттик саясатынын алкагында артыкчылыкка ээ экенин дагы бир ирет баса белгиледи.

Мамлекет башчысы бул багыттагы иштер жалпы республика боюнча активдүү жүрүп жаткандыгына ишендирди.

Эске салсак, калкты таза суу менен камсыз кылуу улуттук долбоор болуп саналат жана Сооронбай Жээнбековдун президенттик ишмердүүлүгүнүн негизги артыкчылыктуу багыттарынын бири.

Аймактарга болгон бардык иш сапарларында мамлекет башчысы аталган маселеге өзгөчө көңүл бурат.

2018-жылы бул максаттарга республикалык бюджеттен 350 млн сом, ал эми 2019-жылы 500 млн сом бөлүнгөн. Акыркы үч жылда өлкөнүн 107 айылынын тургундары таза суу менен камсыз болду. Бюджеттик каржылоодон тышкары өнүктүрүү боюнча эл аралык өнөктөштөрдүн каражаттары да активдүү тартылууда.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн