Ошко Москвадан 343 кыргыз жараны учуп келди

Ош шаарына Москвадан 343 кыргыз жараны учуп келди. Бул тууралуу Республикалык ыкчам штабдан билдирди.

Маалыматка ылайык, “Ош” эл аралык аэропортунда 5-июлда Москва-Ош багыты боюнча чартердик каттамын тосуп алышты. Кыргызстанга Россиядан 343 жаран кайтып келди.

Жүргүнчүлөрдүн тизмесин түзүү гуманитардык критерийлер боюнча кыргыз жарандарынын жеке арыздарынын негизинде жүргүзүлгөн. Өзгөчө, каттамга Россиянын ЖОЖдорунда окуган студенттер, төрөтү жакындап калган кош бойлуулар жана жаш балдары бар аялдар, ошондой эле мекенине чукул түрдө кайтышы керек болгон себеби бар жарандар, мисалы: оор илдеттери барлар, жакында эле хирургиялык операция жасаткандар, жакындарынын кайтыш болушу жана башка оор турмуш кырдаалдарына кабылгандар киргизилген.