Ош шаарына 18-августта Россиянын Новосибирск шаарынан Кыргызстандын 181 жараны кайтып келди, алардын арасында жаш балдар да бар. Бул тууралуу ТИМдин басма сөз кызматы билдирди.
Маалыматка караганда, жүргүнчүлөрдүн тизмеси Новосибирск шаарындагы Кыргызстандын Башкы консулдугунда кайтып келүүгө муктаж болгон жарандардын кайрылууларынын кезектешүү тартиби боюнча түзүлгөн.
«Ага кош бойлуулар, жаш баласы бар аялдар, улгайган адамдар, Новосибирсктеги клиникаларында операция жасаткан адамдар, депортацияланган жарандар жана жогорку окуу жайларда окуп жаткан студенттер киргизилген. Бул каттам менен кыргызстандыктар Новосибирск, Красноярск, Иркутск, Түштүк Сахалинск, Владивосток, Петропавловск-Камчат, Якутск ошондой эле Сибирь Федералдык округунун башка шаарларынан келишти», - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн