Бүгүн Ош шаарына Россиянын Санкт-Петербург шаарынан 184 кыргызстандык жаран кайтып келди. Бул тууралуу ТИМдин басма сөз кызматы билдирди.

Маалыматка караганда, алар «Уральские авиалинии» авиакомпаниясынын Санкт-Петербург – Ош каттамы менен келишти. Алардын ичинде жашы жете элек балдар дагы бар. 

"Каттам эки өлкөнүн тышкы саясий ведомстволорунун келишимдеринин негизинде дүйнөдө COVID-19 коронавирус инфекциясынын пандемиясынан улам эл аралык жүргүнчү ташуу авиабилдирүүлөрү токтотулгандыгына байланыштуу, чет өлкөлөрдөн КР жарандарын кайтаруу боюнча КР президенти жана өкмөтү тарабынан коюлган тапшырмаларды аткаруунун алкагында ишке ашырылды.

Чет мамлекеттерде жүргөн Кыргызстандын жарандарын кайтарып келүү маршруттарын издөө боюнча иштер улантылууда", - деп айтылат маалыматта.