Ошто 280 коргонуучу костюм, 5 миң беткап таратылды

Ош облусунда демилгечилер тарабынан медициналык каражаттар таратылды. Бул тууралуу коронавирус боюнча Республикалык штабдан билдирди.

Маалыматка ылайык, 25-мартта 10 тонна хлорамин, 280 даана коргонуучу костюм, 5 миң беткап таратылган. Мындан сырткары өзгөчө абал учурунда посттон кирип-чыгуу үчүн дарыгерлерге пропусктар берилген.

Ошондой эле, аймактык жана Ош облустук ооруканаларда дарыгерлер үчүн атайын транспорттор уюштурулганы белгилүү болду.