Ошто өрт кырсыгынан бир адам каза болду

Ош шаарында 71 жаштагы аял өрт кырсыгынан көз жумду. Бул тууралуу Өзгөчө кырдаалдар минситрлигинин басма сөз кызматынан билдирди.

Маалыматка ылайык, Кара-Суу көчөсүндө жайгашкан көп кабаттуу үйдүн батиринин 20 чарчы метр бөлмөсү күйгөн. Ал эми өрттүн кесепетинен 71 жаштагы аял киши каза болгон.

Учурда өрттүн келип чыгуу себеби такталып жатканы айтылат.