Ошто 9 адам бассейнге түшкөндөн кийин ооруканага жеткирилди

Ошто жайгашкан Classic бассейнине түшкөн 7 жаш бала жана 2 адам ооруканага жеткирилген. Бул туурасында "Кактус.медиа" өздүк булактарына таянып жазды.

Маалыматка ылайык, 27-март күнү Ош балдар ооруканасына 2004-2020-жылга чейин туулган 7 баланын түшкөнү милицияга кабарлаган.

Мындан сырткары бир аял,бир эркек киши ооруканага түшкөн.

Алар ошол күнү бассейнге түшкөн жана ал жерде эч нерсе жеген эмес.

Администрациянын айтымында, алар хлор кошулган суудан ичип алган болушу мүмкүн.

Бул боюнча тергөө иштери уланып жатат.