Ош шаардык ички иштер башкармалыгына эки дезинфекциялык туннель орнотулду. Бул тууралуу аталган шаардын мэриясынын басма сөз кызматынан билдиришти.
Маалыматка ылайык, милиция кызматкерлери жумушка дезинфекциялык туннель аркылуу өтүшөт. Ал эми туннелдерди “Мекеним” улуттук кыймылы орнотуп берген.
Мындан сырткары, аталган кыймылдын активисттери шаардык ички
иштер башкармалыгына 400 коргоочу форма жана 5 миң беткап беришкен.
Ошондой эле, Ош шаарындагы ооруканаларга жана адам көп келүүчү жайларга да орнотуу пландалып жатканын мэр Таалайбек Сарыбашев айткан.
Пикирлер (0)
Пикир жок. Сиз биринчилерден болушуңуз мүмкүн