Бүгүн, 13-январда Ош шаарынын мэри Бакытбек Жетигенов 13-январга караган түнү Ош шаарынын Курманжан-Датка көчөсүндө болгон окуя боюнча укук коргоо органдарынын жетекчилери менен ыкчам жыйын өткөрдү. Бул тууралуу Ош шаарынын мэриясынын басма сөз кызматы маалымдады.
Мэр коомчулукта чоң нааразылык жараткан бул кылмышка өзгөчө көңүл буруу керектигин баса белгиледи.
"Мыйзамсыздыкты токтоткула. Бул чыныгы жырткычтык. Тиешелүү социалдык-профилактикалык иш-чараларды күчөтүү керек. Мыйзам сакталышы керек, бардык күнөөлүүлөр мыйзамдын чегинде катуу жазага тартылышы шарт. Мындай кылмыштуулук башка кайталанбашы керек", - деп белгиледи шаар башчы.
Укук коргоо органдарынын жетекчилери жүргүзүлүп жаткан иш-чаралар боюнча тиешелүү маалыматтарды беришти.
Пикирлер (0)
Пикир жок. Сиз биринчилерден болушуңуз мүмкүн