Ошто базар жана соода борборлорунда эмдөө пункттары ачылат

Ош шаарында  базарларда жана соода борборлорунда эмдөө пункттары ачылат. Бул тууралуу Ош шаардык мэриясынын басма сөз кызматы билдирди.

Маалым болгондой, 1-июлда вице-мэр Эмил Шадыханов башында турган эпидемиологиялык абалга каршы күрөшүү комиссиясынын отуруму өткөн.

Жыйында комиссия Ош шаарындагы эпидемиологиялык абалды карап, бир топ чечимдерди кабыл алган.

- 60 жаштан өйдө жаштагы кызматкерлер аралыктан иштөөгө өтүү;

- коомдук тамактануучу жайларда 50 пайыз орундуктар бош болуусу;

- базарларда жана соода борборлорунда эмдөө пункттарын ачуу;

- эмдөөдөн өтүү боюнча калкка түшүндүрүү иштерин жүргүзүү.