Ошто базарлар дүйшөмбү күндөрү жабылат

Ош шаарындагы базарлар жуманын дүйшөмбү күндөрү дезинфекцияга жабылат. Бул тууралуу аталган шаардын мэриясынан билдирди.

Маалыматка ылайык, жуманын ар дүйшөмбү күнү Ош шаарындагы базарлар жабылып дезинфекция иштери жүрүп турат.

Бүгүн, 22-июнь күнү Ош шаарынын борбордук базарында жайгашкан кичи базарлар, мөмө-жемиш саткан "Тешик-Таш" жана “Келечек” базары бир күнгө жабылып, дезинфекциялоо иштери жүргүзүлгөн.

Мындан сырткары, кичи райондогу базарлар да бир күндүк дезинфекциялоо иштери жүрүп, шаардагы базарларда санитардык-эпидемиологиялык талаптарды сактоо боюнча түшүндүрүү иштери жүргүзүлүп, рейддер өтүп жатканы айтылат.