Ошто бир айдын ичинде жаңы оорукана ишке берилет

Ош облусунун Баш-Булак айылында бир айдын ичинде 150 орундуу оорукананын иштери аяктап, пайдаланууга берилет. Бул тууралуу өкмөттүн Ош облусундагы өкүлү Байыш Юсупов 7-сентябрдагы брифингде билдирди. 

Анын айтымында, учурда ооруканага керектүү болгон медициналык аппараттарды, жабдыктарды толуктап жатышат.  

"Ош облусу боюнча 3170 күндүзгү стационардын бардыгы жабылды. Мурдагыга караганда кырдаал өзгөрүп, медициналык аппараттар жетиштүү. Бир айдын ичинде 150 орундуу оорукананын иштери аяктап, пайдаланууга берилет", - деди ал. 

Облуста ИВЛ аппараты 113 даананы түзсө, кычкылтек концентраты 1500 даанага жетти.