Ошто чуңкурда иштеп жаткан 4 жаранды топурак басып, бирөө каза болду (сүрөт)

Ош шаарында суу түтүгүн өткөрүү үчүн казылган чуңкурда иштеп жаткан 4 жаранды топурак басып калган. Бул тууралуу Өзгөчө кырдаалдар министрлигинин басма сөз кызматынан билдирди.

Маалыматка ылайык, бүгүн, 10-июлда Биринчи Май көчөсүндө таза суу түтүгүн өткөрүү үчүн казылган чуңкурда иштеп жаткан 4 жаранды топурак басып калган.Куткаруучулар 3 адамды куткарышкан, 1 адам каза болгон (аты-жөндөрү такталууда). 3 жаран тез жардам кызматына өткөрүлүп берилген, абалдары туруктуу.

Ал эми каза болгон жарандын жансыз денеси ИИМ кызматына өткөрүлүп берилген.