Ошто эгемендүүлүк күнүнө карата жалпы ишембилик өтөт

Ошто Эгемендүүлүк күнүнө карата жалпы ишембилик өтөт. Бул тууралуу аталган шаардын мэриясынын басма сөз кызматынан билдиришти.

Маалыматка ылайык, 31-август Эгемендүүлүк күнүнө карата, 22-августта Ош шаарынын аймагында жалпы ишембилик өтөт. Анын негизинде шаардагы бардык мекеме-ишканалардын, көп кабаттуу үйлөр, кафе-ресторандар, дүкөндөрдүн жамааттары санитардык эрежелерди сактоо менен өз аймактарын тазалап, ирээттеп, ишембиликтерди уюштуруусу керек.

Мэрия шаардын тазалыгы үчүн, тургундарды санитардык эрежелерди сактоо менен жалпы ишембиликке активдүү катышууга чакырат.