Ош шаарында өз ыктыяры менен жардамга келген алгачкы 8 дарыгер-ординатор 3-4 күн атайын окуудан өтүп, жумушка киришет. Бул тууралуу шаардык мэриянын басма сөз кызматынан билдирди.
Шаар башчысы Таалайбек Сарыбашов ыктыярчы медицина кызматкерлерин кабыл алып, аларга ыраазычылык билдирди.
Шаардык оорукана менен атайын келишим түзүлүп, айлык акы төлөнүп берилет. Жаш дарыгерлер өзгөчө кырдаал учурунда ар кандай жардамга даяр экендигинин, медицина тармагында алган билимдерин эл үчүн жумшай тургандарын айтышты.
Мындан башка медициналык билими бар жарандар да кайрылышып, атайын дарыгерлердин тизмеси түзүлүүдө, деп кошумчаланат маалыматта.
Пикирлер (1)