Ошто күчү 4 баллга жеткен жер титирөө катталды

Ош облусунда жер титирөө катталды. Бул тууралуу ӨКМдин басма сөз кызматы билдирди. 

Сейсмология институтунун маалыматына караганда, жер титирөө 15-сентябрь күнү саат 00:26да Ош облусунун аймагында катталып, очогунда күчү 4 баллга жеткен.

Жер титирөө Алай районунун Нура, Көк-Суу айылдарында 3 баллга чейин сезилген. Жер титирөөдөн жабыркагандар жана кыйроолор катталган жок.