Ошто өз инисин өлтүргөнгө шектүү жаран үй камагына чыгарылды

Ошто өз инисин өлтүргөнгө шектүү катары кармалган 37 жаштагы адам үй камагына чыгарылды. Бул тууралуу аталган шаардын ички иштер башкармалыгынын басма сөз кызматынан билдиришти.

Ал алгачкы тергөө учурунда инисинин көп ичип кеткендиги, аны жакшы жолго чакыргандыгын, бирок иниси каяша берип укпай койгондуктан бир койгондугун, иниси талуу (башынын арка тарабы менен ташка жыгылган) жери менен ташка жыгылып, эсин жоготуп койгондугун айткан.

Ошондой эле өлтүрүү оюнда жок экендигин билдирген. Эсин жоготуп койгон инисин ооруканага өзү алып барган.

Белгилей кетсек, окуя 20-июль күнү болуп, саат 21.00 чамасында Ош облустук ооруканасына оор абалда жаран түшкөндүгү тууралуу маалыматты аталган оорукана кызматкерлери тарабынан берилген.