Ошто "KG GROUP" компаниясы "Яккалик" каналынын жээгин тосууда

Ошто Яккалик каналынын жээги "KG GROUP" курулуш компаниясынын колдоосу менен тосулуп жатат. Бул тууралуу Ош шаардык мэриясынын басма сөз кызматы кабарлады.

Бүгүн, 25-августта Ош шаарынын вице-мэри Жасур Азимов Манас-Ата аймактык башкармалыгындагы Раззаков №6, Салиева №7, №9, №11, №13,№15 көп кабаттуу үйлөрдүн жанындагы Яккалик каналынын кооптуу жерлерине тосмолорду орнотуу иштерин көрдү.  

Белгилей кетсек, "KG GROUP" курулуш компаниясы бул кичи райондун жарандарынын коопсуздугу үчүн иштерди жүргүзүүдө.

Вице-мэр «KG GROUP» курулуш компаниясына жана компаниянын Ош шаарындагы өкүлү Уулкан Келдибаевага ыраазычылыгын билдирди. Тосмолор 562 м узундукта орнотулат, иштин жалпы баасы 1 миллион сомдон ашык.