Ошто шайлоо жыйынтыгына нааразы болгон партиялар митинг өткөрүүдө

Бүгүн 22-апрель Ош шаарынын борбордук аянтында шайлоо жыйынтыгына нааразы болгон партиялар митинг өткөрүүдө.

Маалым болгондой, митингге  7 партия, башкача айтканда «Ата-Журт Кыргызстан» партиясынан башкасы борбордук аянтка топтолуп, шайлоонун жыйынтыгын жокко чыгарууну талап кылышууда.

Белгилей кетсек Ош шаардык кеңешине жалпы 9 партия ат салышкан.

АШКнын маалыматында, шайлоодогу мыйзам бузуулар боюнча 105 арыз катталып, эки талапкер шайлоодон четтетилген.

Эскерте кетсек, 21-апрель Ош аймактык шайлоо комиссиясынын жумушчу тобу шайлоонун жыйынтыгын чыгарды.  АШК жумушчу тобунун жетекчиси Рысбек Нурдинов  Ош шаардык кеңешинде өткөн шайлоодон бир дагы партияны четтетүүгө жетиштүү далилдер жок деген маалыматын айткан.