Ош облусунун аймагында 19-августтан 21-августка чейин “Тилемчи” аталышындагы алдын алуу иш-чарасы болуп өттү. Бул тууралуу Ош ОИИБдин басма сөз кызматынан билдиришти.
Маалыматка ылайык, Ош облусунун аймагында жалпы билим берүү мекемелеринин жайкы эс алуу учурунда окуучулар бош убактысында коомдогу жат көрүнүштөргө аралашып калуусун, ошондой эле селсаяктык жана тилемчилик менен алектенишин, укук бузууларга жана кылмыштуулукка аралашып калууларына бөгөт коюу максатында 19-августтан 21-августка чейин “Тилемчи” аталышындагы ыкчам алдын алуу иш-чарасы болуп өттү.
Иш чаранын жүрүшүндө тилемчилик жана селсаяктык кылган 52 жашы жете электер аныкталып, алардын 35и милиция бөлүмдөрүнө жеткирилген. Ата-энелери жана мыйзамдуу өкүлдөрү менен түшүндүрүү иштери жүргүзүлгөн.
Иш-чарага 218 милиция кызматкеи жана башка органдардын өкүлдөрүнөн 36 адам катышкан.
Пикирлер (0)
Пикир жок. Сиз биринчилерден болушуңуз мүмкүн