Оштогу “Кара-Алма” эс алуу жайы күйүп кетти

Ош шаарындагы “Кара-Алма” эс алуу жайы күйүп кетти. Бул тууралуу Өзгөчө кырдаалдар министрлигинин басма сөз кызматынан билдирди.

Маалыматка ылайык, 8-июль күнү саат 20:05 чамасында Курманжан-Датка көчөсүндө жайгашкан “Кара-Алма” эс алуу жайы күйгөн. Өрттүн жалпы аянты болжол менен 145 чарчы метр.

Өрттөн жабыркаган жана каза болгон адамдар катталган эмес.

Тартылган күчтөрдүн жардамында өрт саат 20:21де чектөөгө алынып, саат 21:04тө толук өчүрүлгөн.

Учурда өрттүн келип чыгуу себеби жана келтирилген материалдык чыгымдар такталып жатканы айтылат.