Оштогу борбордук базар 20-январдан тарта жабылат

Ош шаарындагы Навои көчөсүндө иштеп жаткан борбордук базар 20-январдан тарта жабылат. Бул тууралуу мэрия билдирди.

Шаар бийлиги соодагерлерди жана тургундарды Осмонов көчөсүндө жайгашкан жаңы муниципалдык борбордук базарга барууну өтүндү.

"20-январдан тарта эски базарда электр энергиясы, таза суу жана башка коммуналдык тейлөөлөр токтотулат", — деп билдирди мэрия.

Учурда базардын ордуна эс алуу багын куруу каралууда. Ага чейин курулуштар жана соода түйүндөр көчүрүлүп, жер тазаланып, долбоорду ишке ашырууга даярдыктар көрүлөрү айтылды.