Оштон Дубайга жаңы авиакаттам ачылат

"Шарджа-Ош-Шарджа" багыты боюнча жаңы аба каттамы ачылат. Бул тууралуу "Манас" эл аралык аэропортунун маалымат кызматы билдирди.

«Ош» эл аралык аэропортунда «Шарджа-Ош-Шарджа» багыты боюнча жаңы аба каттамын ачуу пландалууда. Аталган каттам Air Arabia (БАЭ) авиакомпаниясы тарабынан аткарылмакчы. 

Жаңы каттам 2022-жылы 21-февралдан 3-мартка чейин жумасына 2 жолу: дүйшөмбү жана ишемби күндөрү аткарылат. Ал эми, 3-марттан баштап каттамдар жумасына 3 жолу: дүйшөмбү, шаршемби жана ишемби күндөрү учат. 

Учуу узактыгы 3,5 сааттан 4 саатка чейин созулат. 

Азыркы тапта, Air Arabia авиакомпаниясы «Манас» эл аралык аэропортунан «Шарджа-Бишкек-Шарджа» багыты боюнча жумасына 6 жолу каттам аткарууда (дүйшөмбү күнүнөн сытркары).