Оштун айрым жерлеринде эки күн жаратылыш газы берилбейт

Ош шаарынын айрым жерлеринде жаратылыш газын берүү убактылуу токтотулат. Бул тууралуу аталган шаардын мэриясынан билдирди.

Маалыматка ылайык, 3-4-июнь күндөрү саат 10:00дөн 17:00гө чейин Ош шаарындагы Кулатов, Анар, Төлөйкөн жана Ак-Тилек кичи райондорунда көгүлтүр от убактылуу берилбейт.

Буга башкы себеп катары Көкүмбий көчөсүнөн Абдыкадыров көчөсүнө чейин газ түтүкчөлөрүн оңдоп-түзөө, ширетүү иштери жүрөрү айтылат.