Пакистандын Синд аймагынын Саламаттыкты сактоо министрлиги Карачи шаарына жакын жерде кулаган Airbus A-320 учагынан каза болгондордун саны 97 адамды түзгөнүн билдирди.
“Учактын ичинде жалпы 99 адам болгон. Каза болгондордун саны 97. Экөө аман калды. Учурда 19 адамдын денеси алынып чыкты”, - деп Twitter баракчасына министрликтин басма сөз катчысы Мирран Юсуф билдирүү калтырган.
Ал эми кырсык болгон жерде куткаруу-издөө иштери уланып жатат. Авиакомпаниядан самолеттун ичинде 91 жүргүнчү жана учактын 8 экипажы болгонун айтышкан.
Мындан сырткары, учак кулаган жердеги жергиликтүү тургундарда жаракаттарды алып, болжолду 30дай адам ооруканага жеткирилген. Пакистандын премьер-министри Имран Хан учак кырсыгын иликтөө башталганын билдирген.
Эске салсак, “Пакистан авиажолдорунун” самолету Карачи шаарында кулаганы айтылган.
Пикирлер (0)
Пикир жок. Сиз биринчилерден болушуңуз мүмкүн