Пакистандын Пешавар шаарындагы мечитте болгон жардыруудан кеминде 59 киши набыт болуп, 150дөн ашууну жараат алды. Бул тууралуу чет элдик маалымат каражаттары кабарлады.
Маалым болгондой, жардыруу намаз учурунда болуп, имараттын бир бөлүгү талкаланып, көптөгөн ибадатчылар урандылардын астында калган.
Коопсуздук кызматынын өкүлдөрүнүн айтымында, намаз окуп жаткандардын алдыңкы катарында өзүн жардырган жанкечти болгон. Азырынча кол салуу үчүн эч ким жоопкерчилик ала элек.
Пакистандын өкмөт башчысы Шахбаз Шариф терактты айыптап, жанкечти менен Исламдын эч кандай байланышы жок экенин жана бул мусулмандарга карата террордук акты экенин билдирди.
Пикирлер (0)
Пикир жок. Сиз биринчилерден болушуңуз мүмкүн