Бүгүн, 26-майда Жогорку Кеңештин Эл аралык иштер, коргоо жана коопсуздук боюнча комитетинин кезектеги жыйынында “COVID-19 пандемиясына ыкчам чара көрүү жана оору менен күрөшүүгө кеткен чыгымдарды колдоо программасы боюнча Кыргызстан менен Азия өнүктүрүү банкынын ортосундагы кредиттик жана гранттык макулдашууну ратификациялоо жөнүндөгү” мыйзам долбоору каралып, колдоо тапты.
Жыйында баяндама жасаган каржы министринин орун басары
Алмазбек Азимов сунушталып жаткан программа Азия өнүктүрүү банкы тарабынан өкмөткө
көрсөтүүлүүчү каржылык колдоону камтый тургандыгын белгилеп, алынган каражат
COVID-19 илдетинин ден соолукка зыяндуулугун азайтуу менен социалдык-экономикалык
каатчылыкты төмөндөтүүгө жумшаларын кошумчалады.
Тагыраагы, бюджетти колдоо багытында Азия өнүктүрүү банкы тарабынан 50 млн АКШ доллары алынат. Анын 25 млн доллары грант, калганы кредит.
Аталган программанын кредиттик бөлүгү 24 жылга алынып, анын 8 жылы 1%дык жеңилдетилген мөөнөт, ал эми калган негизги мөөнөт 1,5%дан төлөнөт.
Пикирлер (1)