Пандемияга карабастан Түштүк Кореяда парламенттик шайлоо өттү

Түштүк Кореяда парламенттик шайлоо болуп өттү. Бул тууралуу чет элдик басма сөз каражаттары жазып чыгышты.

Шайлоонун жыйынтыгында Бириккен демократиялык партиясы утуп чыккан. Өлкө президенти Мун Чжэ Индин партиясы 300 орундун 163 мандатына ээ болду.

Ошондой эле аны колдогон дагы бир партия парламенттен 17 орун алат. Ошону менен өкмөттүн парламенттеги добушу 180 болушу мүмкүн деп болжоп жатышат эксперттер.

Пандемиянын шартында өткөн шайлоо биринчи жолу катталууда. Анда добуш берүүчүлөр аралыкты бекем сакташып, беткап менен келишип, колдорун дезинфекция кылып, анан добуш беришкен.