Панфилов районунда телефон жана акча каражаттарын уруп тартып алган жаран кармалды

Панфилов районунда тоноочулук фактысына шектүү кармалды. Бул тууралуу Чүй облустук ички иштер башкармалыгынын басма сөз кызматы кабарлады.

Маалыматка ылайык, 2022-жылдын 24-апрель күнү Панфилов РИИБүнө 1961 жылы туулагн С.А., жаран арыз менен кайрылган. Анда 23-апрел күнү  болжол менен саат 23:30 чамаларында бейтааныш адамдар эч себепсиз уруп телефонун жана акча каражаттарын алышып, белгисиз тарапка из жашырып кетишкенин билдирген.

Бул факты кылмыштардын бирдиктүү реестрине Кыргыз Республикасынын Кылмыш-жаза кодексинин 206-беренеси (Тоноо) боюнча катталып, сотко чейинки өндүрүш иштери башталган.

Панфилов РИИБдүн кылмыш иликтөө кызматкерлери тарабынан жүргүзүлгөн ыкчам издөө иш-чараларынын натыйжасында жогорудагы кылмышка шетелип 1971-жылы туулган С.Н., атту кармалып, убактылуу кармоочу жайга камакка алынган. 

Сотко чейинки өндүрүш иштери улантылууда.