Франциянын ички коопсуздук боюнча башкы башкармалыгы Парижде болчу Олимпиада оюндарынын ачылыш салтанатын террордук кооптуулуктан улам өткөрбөөнү сунуштап жатат. Бул туурасында РИА Новости Europe1 радиостанциясына таянып билдирди.
Аталган башкармалыктын штаб-квартирасына ИИМ башчысы Жерар Дарманендин келишин күтүп жатканын кабарлашкан. Министр спорттук бул ири иш-чаранын ачылышында дүйнөлүк телекамералардын алдында болуп кетет деген кооптуулук кайсы жактарда жаралышы ыктымал деген сценарий менен таанышарын билдиришкен.
"Биз Б планына өтүшүбүз керек", — деген аталган ведомствонун маалымат булагы.
Ал спортчулардын Сенанын боюндагы парадын мурдагыдай сценарий менен өткөргөндө тобокелдик көп болорун белгилеген.
Жайкы Олимпиада оюндары Парижде 26-июлдан 11-августка чейин өтөт.
Пикирлер (0)
Пикир жок. Сиз биринчилерден болушуңуз мүмкүн