Парламентте компьютерлерди депутаттардын эсебинен алуу сунушталды

Жогорку Кеңештин депутаты Марлен Маматалиев компьютерлерди депутаттардын эсебинен алууну сунуштады. Бул тууралуу бүгүн ЖКнын жыйында билдирди.

"Бюджеттен бир аз акча үнөмдөп калдык. Ошол эле учурда 11 миллион сомго компьютердик жабдууларды сатып алууга тендер жарыяланган. Ушул сумманын жок дегенде жарымын өзүбүз төлөп койсок жакшы болмок. Бул PR эмес, бюджетке реалдуу жардам, айрыкча акчаны үнөмдөө керек. Программалык камсыздоону сатып алууга тендер жарыяланган, биздин патриоттор бул нерсени символикалык суммага - 200 000 сомго жасай алабыз дешти. Керек болсо, алар бармак изи менен добуш берүү тутумун түзө алышат", - деди Маматалиев.