7-декабрда Перу өлкөсүнүн башчысы Педро Кастильо козголгон кылмыш иштеринин алкагында колго түшүрүлдү. Бул тууралуу чет элдик маалымат каражаттары билдирди.
Маалыматка ылайык, Педро Кастильо 7-декабрь күнү парламентти таратып, өлкөдө коменданттык саат киргизүүнү жарыялаган. Бирок Перу Конгресси президенттен эрте аракетке өтүп, ага карата импичмент жарыялоого жетишкен.
Мындан улам Кастильонун ордуна вице-президент ант берип, президенттик милдетти аткарууга киришкен.
Ал эми укук коргоо органдары буга чейин Педро Кастилього козголгон 6 кылмыш ишинин алкагында аны кармаган.
Пикирлер (0)
Пикир жок. Сиз биринчилерден болушуңуз мүмкүн