Парламенттик шайлоону октябрь айында өткөрөлү деген пландарыбыз бар. Мындай пикирин президент Садыр Жапаров "Азаттык" үналгысына берген маегинде билдирди.
"Биз негизи июнь айында шайлоону өткөрүүгө аракет кылганбыз. Бирок Конституциянын жаңы долбоорун 10-январда референдумга коёлу десек НПОчулар, оппозиция жок болбойт деп туруп алды. Ошондуктан, 10-январда эки суроо менен чыктык же парламенттик, же президенттик. Эл президенттик башкарууну тандады.
Эми 11-апрелде референдум өтсө, 2-3 ай жаңы Конституцияга ылайык, мыйзамдарды кабыл алыш керек. Ошондо июль, август айларына барып калат экен. Анан биз 2 ай нарысы эмне, бериси эмне деп октябрь айында кайра парламенттик шайлоо өткөрүүнү пландап жатабыз",- деди Жапаров.
Пикирлер (0)
Пикир жок. Сиз биринчилерден болушуңуз мүмкүн