Россия Федерациясынын президенти Владимир Путиндин маалымат катчысы Дмитрий Песков Украинанын борбору Киев шаарына жакын жерде жайгашкан Буча шаарындагы жарандардын өлүмү боюнча пикирин билдирди. Бул тууралуу РИА Новости агенттиги кабарлады.
Песковдун айтымында, шаардагы жарандардын өлүмүнө орус аскерлеринин тиешеси жок жана орус адистери видеонун айрым бөлүктөрүндө фейк маалыматтар болгонун далилдеген.
Эске салсак, 3-апрелде Украина Буча шаарында орус аскерлери тарабынан өлтүрүлгөн деген видео тараган. Анда жай тургундар көчөлөрдө, имараттарда өлүп жатканы баяндалат.
Пикирлер (0)
Пикир жок. Сиз биринчилерден болушуңуз мүмкүн