Пилоттук долбоор. Кыргызстанда унааларды онлайн каттоого мүмкүнчүлүк түзүлдү

Кыргызстанда унааларды онлайн каттоо башталат. Бул тууралуу президенттик аппараттын санариптештирүү бөлүмүнүн башчысы Азамат Буржуев өзүнүн Twitter баракчасына билдирди.

Автоунааны сатып алуу жана сатууну аймактык транспорт каражаттарын каттоо бөлүмдөрүнө кайрылбастан банк аркылуу жүргүзүүгө болот.

Долбоор пилоттук долбоор болуп саналат жана бир жылга эсептелген. Эгер ийгиликтүү болсо, онлайн каттоого уруксат берүү үчүн атайын жоболор кабыл алынат.