Польша жана Кытайдан келген дарыгерлер кандай жардамдарды берери айтылды

Саламаттыкты сактоо министринин орун басары Нурболот Үсөнбаев Кыргызстанга Польша жана Кытайдан келген дарыгерлер эмне кыларын билдирди.

Анын айтуусуна караганда Польшадан келген дарыгерлер республикалык клиникалык жугуштуу ооруканага барышкан.

“Польшадан келген дарыгерлер тобу бүгүн, 20-апрелде саат 09:00дөн баштап республикалык клиникалык жугуштуу ооруканага барышты. Алар бейтаптарды дарылашат. 24-апрелден кийин түштүк аймагына барып, Ош жана Жалал-Абад облустарында дарыгерлерге жардам берип, бейтаптарды дарылашат.

Ал эми Кытайдан келе турган дарыгерлер лабораториялык изилдөөлөрдү карашып, биздин дарыгерлерди аралыктан окутат”, - деди Үсөнбаев.