Өлкөнүн аймактарында абал кооптуу бойдон калууда. Бул тууралуу премьер-министр Кубатбек Боронов 28-июлдагы брифингде билдирди.
Анын айтымында, акыркы жумада оорунун басаңдаганы байкалууда.
"Баары оңолду деп айтууга али эрте. Аймактарда эпидемиологиялык абал кооптуу бойдон калууда. Алсак, Жалал-Абад, Ысык-Көл облустарында жана Ош шаарында абал оор бойдон калууда.
Айрыкча Ысык-Көл облусунда эс алуучулардын саны кескин көбөйдү. Ушул жылдын июнь айына карата облуска келген эс алуучулардын саны 3 миң болсо, 20-июлга карата эс алуучулардын саны 10 миң адамды түздү. Мындан улам эс алуу учурунда ооруга чалдыккандар пайда болууда", - деди премьер-министр.
Ошондой эле, ал аймактардагы эпидемиологиялык абалды турукташтыруу боюнча өкмөт тарабынан тиешелүү иштер жүргүзүлүп жаткандыгын айтты.
Пикирлер (0)
Пикир жок. Сиз биринчилерден болушуңуз мүмкүн