Президент Сооронбай Жээнбеков 2020-жылдын 23-апрелинде Венгрияга иш сапар менен барат. Бул тууралуу Венгриядагы Кыргызстандын элчиси Бакыт Жусупов билдирди. Ал белгилегендей, акыркы 2 жылда Венгрия менен болгон кызматташтык жаңы деңгээлге чыкты.
«2018-жылы Венгриянын премьер-министри Виктор Орбан Бишкекке келди, бул премьер-министрдин деңгээлиндеги биринчи визит болду. Андан кийин биз Венгрия менен бизнес тармагында, мамлекеттик органдар менен тыгыз кызматташып жатабыз», - деди элчи.
Өлкө башчынын иш сапарынын алкагында стратегиялык кызматташтыкты орнотуу жана өнүктүрүү боюнча макулдашууга, мындан тышкары 11 документке кол коюлат. Алардын негизгилеринин бири — инвестицияны коргоо боюнча макулдашуу жана инвестиция тартуу.
Пикирлер (0)
Пикир жок. Сиз биринчилерден болушуңуз мүмкүн