Президент колдогон. Бишкектеги Ош базары шаар сыртына көчүрүлөт

Бишкек шаарынын мэри Эмилбек Абдыкадыров Ош базары шаардын сыртына жылдырыла турганын билдирди. Бул тууралуу муниципалитеттин башчысы билдирди.

Анын айтымында, бул идеяны президент Садыр Жапаров колдогон.

Эмилбек Абдыкадыров Ош базарындагы ири соода комплекстеринин ээлери каршы эмес экенин билдирди.

«Жалпысынан бардык өндүрүштүк базаларды жана объектилерди борбордон башка жакка көчүрүү зарыл. Ошондо жашыл, кооз шаарыбыз болот. Мамлекет башчы бизди колдоп, биз туура жолдо баратабыз деди. Коомдук транспорт тилкелери, станцияларды, базарларды көчүрүү - бул чоң долбоорлор», - деди ал.