Президент коронавирус кризисин талкуулаган эл аралык онлайн форумга катышат

Президент Сооронбай Жээнбеков бүгүн, 28-майда Канада премьер-министри Жастин Трюдо, Ямайка премьер-министри Эндрю Холнесс жана БУУнун баш катчысы Антониу Гуттериштин чакыруусу боюнча видеоконференция форматында өтө турган форумга катышат. Бул тууралуу президенттин басма сөз кызматы билдирди.

Эл аралык форум «Коронавирус мезгилинде жана андан кийин өнүгүүнү каржылоо боюнча жогорку деңгээлдеги иш-чара» деп аталат.

Иш-чара чет мамлекеттердин башчыларынын, эл аралык уюмдардын, каржы институттарынын жетекчилеринин жана БУУнун Баш катчысы Антониу Гуттериштин катышуусунда видеоконференция форматында өтөт.

Форум БУУнун туруктуу өнүктүрүү максаттарын каржылоо боюнча Достук топторду негиздөөчүлөр катары Канада менен Ямайканын өкмөттөрү тарабынан уюштурулган.