Президенттик Аппараттын маалымат саясат бөлүмүнүн башчысы Наргиза Мансурова өкмөттүн кызматтан кетиши тууралуу айың-кептер боюнча пикирин билдирди. Ал Фейсбуктагы баракчасы аркылуу тараткан билдирүүсүндө жарандарды жалган маалыматка ишенбөөгө чакырган. Н.Мансурованын кайрылуусун өзгөртүүсүз сунуштайбыз:
- Мамлекеттик бийликтин бардык күчү коронавирус инфекциясы менен күрөшүүгө жумшалып жаткан учурда жалган маалымат таратпоого чакырабыз.
КР Премьер-министринин, Өкмөттүн кызматтан кетиши жана өлкө Премьер-министринин кызмат ордуна талапкер тандалышы мүмкүн экендиги тууралуу ар кандай ушак-айыңдарды таратпоого чакырабыз.
Учурда бардык мамлекеттик бийлик органдарынын күч-аракеттери толугу менен коронавирус инфекциясынын жайылуусуна жана анын кесепеттерине каршы күрөшүүгө багытталган.
Буга окшогон ушак-айыңдар бирөөлөр аркылуу атайылап жасалып, акыркы күндөрдө жайылтылып жатат деп ойлойбуз.
Ошондуктан саясий чөйрөнү жана массалык маалымат каражаттарынын бардык болгон күч-кубатын мамлекеттик органдардын инфекцияга каршы күрөшүүсүнө жардам берүүгө багыттоого чакырабыз.
Пикирлер (0)
Пикир жок. Сиз биринчилерден болушуңуз мүмкүн