Президенттин маалымат катчысы: Айгүл Жапарова менен Токтобүбү Оргалчанын эч кандай байланышы жок

Президент Садыр Жапаровдун жубайы Айгүл Жапарова менен депутаттыкка талапкер Токтобүбү Оргалчанын эч кандай байланышы жок. Мындай пикирин президенттин маалымат катчысы Эрбол Султанбаев билдирди.

«Кыргыз Республикасынын президентин жана Кыргыз Республикасынын Жогорку Кеңешинин депутаттарын шайлоо жөнүндө» конституциялык мыйзамына ылайык, гендердик квотаны камсыздоо боюнча БШК кабыл алган процедуралык чечимдерин саясатташтыруунун, анын үстүнө, чайкоочулук кылуунун кереги жок.

Биринчи айым Айгуль Жапарованын Токтобүбү Оргалча менен эч кандай байланышы жок жана аны менен эч качан тааныш болгон эмес», - деди ал.