Өлкө президентинин өзүнчө кеңсесинин курулушу быйыл бүткөрүлөрүн Министрлер кабинетинин төрагасы Акылбек Жапаров билдирди. Бул тууралуу ал 22-мартта Чүйдө лифт чыгаруучу алгачкы кыргызстандык ишкананын ачылышында сүйлөп жатып айтты:
“Биз азыр курулушун баштап, бир жыл ичинде бүткөрөбүз деп үмүт кылып жаткан президенттин кеңсеси да, шаардын өйдө жагына көчүп жаткан өкмөттүк комплекс да өзүбүздө жасалган лифттер менен жабдылышы керек деп сунуш кылып жатабыз”.
Кыргызстанда президенттин өзүнчө кеңсеси жок. Азыр президенттик аппарат өкмөт менен чогуу бир имаратта иштөөдө. Буга чейин ал Жогорку Кеңештин имаратында жайгашчу.
Булак: "Азаттык" үналгысы
Пикирлер (0)
Пикир жок. Сиз биринчилерден болушуңуз мүмкүн