Президенттин жардамчысы Кадр кызматынын директор орун басары болуп дайындалды

Мамлекеттик кадр кызматынын директорунун орун басары Алышбаев Калыбек Кеңешович ээлеген кызматынан бошотулду. Бул тууралуу президенттин басма сөз кызматы билдирди.

«Мамлекеттик жарандык кызмат жана муниципалдык кызмат жөнүндө» мыйзамынын 2-бөлүгүнүн, 47-беренесине ылайык, президент Сооронбай Жээнбеков кол койгон буйрук менен кызматтан кетти.

Өлкө башчысы кол койгон башка буйрукка ылайык, Мамлеттик кадр кызматынын директорунун орун басары болуп Курманов Абдулазим Айдарович дайындалды. Ал буга чейин президенттин жардамчысы болуп келген.