Россиянын президенти Владимир Путин оппозициячыл саясатчы Алексей Навальныйдын Ютубдагы баракчасына жарыяланган “Путиндин хан сарайы” аттуу тасмага жооп берди. Окуучулар менен онлайн жолугушуусунда орус президенти бул видеону монтаж деп атады. Ошондой эле ал аталган тасманы толук көрбөгөнүн, ага убактысы да болбогонун билдирген.
“Мунун баары монтаж. Андагы аты аталгандардын айрымдарын чынында тааныймын. Кээ бирлерин такыр тааныбаймын. Бул адамдардын айрымдары мени менен таанышканга чейин эле бизнес менен алектенчү. Бизнес мени кызыктырган жок. Бул аны жаман дегенге жатпайт. Бизнес кылсаң жумуш орундары түзүлөт, байлык топтойсуң дегендей. Бирок, бул менин табиятыма туура келбейт экен”, - деди ал.
Пикирлер (0)
Пикир жок. Сиз биринчилерден болушуңуз мүмкүн