Путин Россия менен АКШнын Эр-Рияддагы сүйлөшүүлөрү боюнча үн катты

РФ президенти Владимир Путин Эр-Рияддагы (Сауд Арабиясы) россиялык жана америкалык делегациялардын сүйлөшүүсүнүн жыйынтыгына оң баасын берди. РФ президентинин башка билдирүүлөрү РИА Новостинин макаласында айтылды. 

Сүйлөшүүлөр тууралуу:

- Америка менен ар кыл багыттагы иштерди жандантуу үчүн Россия биринчи болуп кадам жасады. Мында өз ара, анын ичинде Жакынкы Чыгыш боюнча кызыкчылыктар бар;

- Эр-Рияддагы жолугушуунун максаты — ишенимди калыбына келтирүү болгон;

- Сүйлөшүүгө АКШдан биргелешип иштөөгө макул болгондор катышты;

- Эки тарап экономика, энергетика рыноктору, космос жана башка багыттар боюнча иштеп жатат;

- РФ менен АКШ дипломатиялык өкүлчүлүктөрдүн кадимкидей иштөө нугун жаңылоону сүйлөштү;

- Москва БРИКС боюнча досторуна сүйлөшүүлөрдүн жыйынтыгынан маалымдар кылат.

Путин Украинадагы кырдаалды жөнгө салуу боюнча сөз кылып жатып, Россия европалыктар жана Украина менен байланышта болуудан эч качан баш тартпагандыгын, алака-катышка алар өздөрү тыюу салышканын айтты.

Россия Европа менен АКШнын иштерине кийгилишпесин белгиледи. Андан сырткары Киевдин Россия менен АКШнын сүйлөшүүлөрүнө катышпаганына нааразы болуп жатканы орунсуз экендигин айтты. Европанын россиялык жана америкалык делегациялардын жолугушуусуна кескин, терс пикир билдирүүгө негизи жоктугун жоктугун эскертти.

Трампка канааттануу менен жолугарын, бирок буга даярдык керектигин түшүндүрдү. Азыр эки мамлекеттин мамилеси кофе ичип отуруп чече койгудай эместигин белгиледи.

РФ менен АКШнын ортосундагы диалогго арачы болгондордун кереги жоктугун, Трамп объективдүү маалыматтарды ала баштагандан кийин анын кырдаалга болгон мамилеси өзгөргөндүгүн айтты.