Путин кайрадан президенттик шайлоого катышат

Россиянын президенти Владимир Путин дагы эки президенттик мөөнөткө шайлануу укугун берген мыйзамга кол койду. Бул тууралуу РИА Новости жазып чыкты.

Документ расмий укуктук маалымат интернет-порталына жарыяланган.

Мыйзамдын авторлору депутаттар Павел Крашенинников жана Ольга Савастьянова, ошондой эле сенатор Андрей Клишас болушкан.

Маалым болгондой, бул мыйзам былтыр Конституцияга киргизилген өзгөртүүлөргө ылайык келет. Баш мыйзам боюнча президент эки мөөнөткө гана шайлана алат. Бирок түзөтүү күчүнө кирген учурда ушул кызматта иштеген мамлекет башчысына тиешеси жок болуп саналат.